تسجيل الدخول لعنوان 192.168.1.1 هو واحد من أهم الخطوات اللي كنحتاجوها بزاف باش ندخلو لصفحة إعدادات الروتر. من هاد الصفحة تقدر تبدل كلمة سر الويفي، تبدل سميّة الشبكة، تخبي الويفي، وتشوف الأجهزة اللي متصلة بالإنترنت ديالك.
هاد الإعدادات كتعاونك تحسن حماية الشبكة ديالك وتمنع أي شخص غريب من الاتصال بالويفي ديالك بلا إذن.
ملاحظة: بعض الروترات فالمغرب ما كيدعموش HTTPS بشكل افتراضي، وهاد الشي كيخلي الصفحة ما كتفتحش فبعض الأحيان. إلى ما خدمش الرابط الأول، جرب تفتح صفحة الروتر باستعمال الرابط الثاني HTTP.
بعض المرات كيلقاو الناس صعوبة باش يدخلو لصفحة إعدادات الروتر عبر 192.168.1.1، وكيبان ليهم أن الصفحة ما كتفتحش. فهاد المقال غادي نشرحو ليك الطريقة الصحيحة باش تدخل لصفحة الروتر وتبدل كلمة سر الويفي وتحل المشاكل اللي ممكن تواجهك.
شنو هي صفحة إعدادات الروتر 192.168.1.1 ؟
صفحة الروتر هي لوحة التحكم اللي كتخليك تتحكم فالشبكة ديالك. من خلالها تقدر تبدل كلمة سر الويفي، تبدل اسم الشبكة، تخبي الويفي، وتشوف شكون متصل بالإنترنت ديالك.
تقدر حتى تحدد عدد الأجهزة اللي مسموح ليها تتصل بالشبكة، ولا تمنع بعض الأجهزة اللي ما بغيتيهاش تدخل للويفي ديالك.
أي واحد يقدر يدخل لصفحة إعدادات الروتر كيفما كان نوع الروتر اللي عندو، غير خاصو يتبع الخطوات اللي غادي نشرحو دابا.
تسجيل الدخول لصفحة الروتر 192.168.1.1
باش تدخل لصفحة إعدادات الروتر خاصك الأول تكون متصل بالروتر ديالك سواء عبر الويفي أو عبر الكابل، ومن بعد تبع هاد الخطوات:
- حل المتصفح ديالك بحال Chrome ولا Firefox وكتب هاد العنوان: https://192.168.1.1
- غادي تبان ليك صفحة تسجيل الدخول. دخل اسم المستخدم: admin
- بالنسبة لكلمة السر، غالباً كتكون مكتوبة فالستيكر اللي كاين مور الروتر.
- ضغط على زر Login وغادي تدخل مباشرة لصفحة التحكم ديال الروتر.
إلى ما خدموش المعلومات اللي مكتوبة فالروتر، جرب دخل admin فاسم المستخدم وكلمة السر بجوج.
إلى بقا المشكل، تقدر تتاصل بمزود خدمة الإنترنت ديالك باش يعاونوك.
علاش صفحة الروتر ما كتفتحش؟
بعض المرات كتكون المشكلة أن عنوان IP اللي دخلتي ماشي هو الصحيح ديال الروتر.
فهاد الحالة خاصك تعرف العنوان الصحيح ديال الروتر اللي متصل به الجهاز ديالك.
كيفاش تعرف عنوان الروتر فالأندرويد
دخل لإعدادات الويفي فالهاتف ديالك، ومن بعد ضغط على الشبكة اللي متصل بها. غادي تلقى عنوان الروتر حد كلمة Router ولا Gateway.
نسخ هاد العنوان ودخلو فالمتصفح باش تفتح صفحة إعدادات الروتر.
كيفاش تعرف عنوان الروتر فالويندوز
- ربط الحاسوب ديالك بالروتر عبر الويفي أو الكابل.
- ضغط على زر Windows + R.
- كتب CMD ومن بعد OK.
- كتب الأمر ipconfig وضغط Enter.
غادي تلقى عنوان الروتر حد Default Gateway.
شنو تقدر تدير فصفحة إعدادات الروتر؟
من بعد ما تدخل لصفحة إعدادات الروتر تقدر تتحكم فالشبكة ديالك كاملة.
تقدر تشوف الأجهزة اللي متصلة بالويفي وتمنع أي جهاز ما بغيتيهش يدخل للشبكة ديالك.
تقدر حتى تخبي شبكة الويفي باش ما تبقاش باينة للناس اللي حدك.
كاينين حتى إعدادات أخرى بحال تحديد سرعة الإنترنت أو إنشاء شبكة WiFi خاصة بالضيوف باش تحمي الشبكة الرئيسية ديالك.
كيفاش تبدل كلمة سر الويفي
من بعد ما تدخل لصفحة الروتر عبر 192.168.1.1 تبع هاد الخطوات:
- دخل لقسم Home Network.
- اختار WLAN Settings.
- دخل لقسم WLAN Encryption.
- بدل كلمة السر فالمكان اللي مكتوب فيه WPA Pre-Shared Key.
- ضغط Save باش تحفظ التغييرات.
حاول تختار كلمة سر قوية فيها حروف وأرقام باش تحمي الويفي ديالك من الاختراق.
الدخول لصفحة إعدادات الروتر خطوة مهمة باش تتحكم فالإنترنت ديالك وتحسن حماية الشبكة.